Giovanni Maiurano   Nato a Nusco il 27 febbraio 1969

Lu vitiellu

'Ngera na vota nu cuntadinu puvuriellu chi tuneva na lenza ri terra e ngi pasceva na vacca.
Sta cazzu ri vacca ieva sembu a la via ri vasci andò truvava na rocchia ri lupinella e ogni tantu "asseva ra indu a ru summunatu",scunfinava e là sundivi quiru canu arraggiatu ri lu vicinu, nu signurottu ri lu iscu.

Quannu fu nu bellu juornu la vacca pozza ji a figlià ind' a la confina e cacau lu vitiellu ind' a queru ri lu vicinu.
Stu vuommucu ri signurottu pritindeva ca lu vitiellu era lu sua pucchè la vacca era figliata ind'a ru sua e ghivu andò l'avvucatu,nata bella scorza. Li cundavu lu cundu cum'era jutu, e l'avvucatu maliziusu, tuneva cu issu nu ciuccionu ri figliu ca si mbarava lu mistieru. Quannu lu signurottu l'addummanavu ri chi era lu vitiellu ,l'avvucatu rissu:- E' lu tua !Rimani chi benu andò lu stessu avvucatu si prisintavu lu cuntadinu e sicuru ri li cazzi sua (pucchè la vacca era la sua) cundavu lu cundu a l'avvucatu e po' addommanavu :-Ri chi è lu vitiellu? L'avvucatu li rissu:- E' lu tua ! Mo quiru salamaloccu ri lu figliu ri l'avvucatu rumanivu sbalorditu e quannu lu cuntadinu si ni ivu rissu a lu padru:- Papà, ma si pò sapè ri chi cazzu è su cazzu ri vitiellu?
Lu patru ruspunniu:- E' lu nuostu !

Savanu

Nu tiziu ri nomu Savanu partivu cu la Svizzera a fa furtuna , ca qua eranu tiempi niuri e si paccariava la fama.
A la stazionu in i Svizzera l'ascivu nandi lu padronu andò aveva ji a fatià.
Quistu parlava francesu e indu a la discussionu li pozza rici:-
comme ca va la femme in Italy ?
Savanu ruspunnivu musichiannu:- mannaggia chi v'è muortu nun so mangu arruvatu e gia sapiti
ca mi chiamu Savanu e fazzu la fama a l'Italia !

Chiangiti mammu

Na vota na guagliotta aveva ascì cu lu nammuratu e la mamma nun buleva, ma la figlia malandrina tandu
si muttivu attuornu fina a quannu la mamma si feci capaci.
La mamma si chiavavu la figlia sotta e l'abbuttau ri raccumandaziuni e li rissu si quiru ti volu tuccanu tu li rici ca nunn'è cosa si no mamma po chiangi.
La mamma lu cundu lu sapeva buonu . Comu assivunu roppu nu picca lu guaglionu ngumingiavu a allungà ru manu e la guagliotta si rifindeva canziannulu e l'abbignava ngimma a ru manu. Roppu paricchi tiembu chi lu birbandu sfruculiava la guagliotta punzavu : la carnu è carnu. E allora quannu adda chiangi mamma mia lassa chi chiangi puru mamma tua !

Lu puorcu e lu ciucciu

Rissu lu puorcu a nu ciucciu carrucu ri leuna:
povura a te sembu chi fatii coma a nu ciucciu,
iessi la matina e t'accuogli la sera .
Guarda a me nun fazzu nu cazzu tuttu lu juornu
mangiu ,vevu e dormu.
Ruspunniu lu ciucciu:
Si... ma tu nu mi pari lu puorcu ri mo fa l'annu !

Matucciu Stellantu

pozza stà mbaravisu,turnavu ra l'America na truntina r'anni arretu.
A l'aeroporto l'asputtava Mariottu.Comu sciunnivu ra l'apparecchiu ngumingiavu a ghiastumà e tuneva na facci ianca. Comu lu vurivu Mariottu,senza mangu salutarisi li rissu-:"Matù, che statu ? Matucciu ruspunnivu :- Mariò lassami perdu,mi l'aggi vista scura crureva ca mureva su cazzu r'apparecchiu pareva lu ciucciu ri Manteca azava capu e culu !

Nun ngi creu cchiù

E' na vita chi m'abbottu l'urdumu ri l'annu ri numicculu e peru ri puorcu cu la spuranza ri fa rinari, ma chi ti raci luci! Nun si veru n'onza ri sordu. Pu l'amoru ri la stessa nottu, n'aggi cunsumatu muntandu rossu cu l'angarizia ri m'abbuschà checche cosa e qua ngè stata la strutta ri ru femmunu!
M'aggi strazzatu la panza cu m'appuzzucà cu ponta a li castagni cu ghi facennu lu vischiu, rici ca a l'urdumu ri l'annu caccia li spiriti maligni ra indu a ru casu e puru quistu m'è ghiutu ngulu, pari ca si songu nammurati ri me.
Natu rittu rici: "Chi mbresta a lu primu ri l'annu faci priestu lu guaragnu" ma a me ma futtutu puru quistu, pucchè: "Chi mbresta ngulu li resta"!
Nun vi vogli spacinzià cu sti lamienti, vui jati ri pressa c'avita jì a fa ind'a la secchia! Embè cu na bona salutu a tutti quanda.
Lu brinnisi ri mezzanottu mi lu vavu a fa a la mundagna a lu rifugiu ji e Giuannu Stella, dui bicchieri: unu ind'a la manu mangina e n'atu a la riritta. Quannu è ora tozzulu e mi ru moccu abbasci tutti e dui e po' vicinu a lu fuculinu m'abbioccu e ngi vurimmu crai matinu.

Lu ciucciu e lu vicciu

Nu massariandu tuneva nu bellu ciucciu e quannu fu nu juornu a stu ciucciu li pigliau jerda e s’agghiazzavu.
A quiri tiembi vitrinari nun ngi n’erano e stu povuru cristianu chiamavu nu miezzu sanapurcella, ca ri stu cosu ni capeva.
Stu tiziu subbutu fuivu a burè lu ciucciu chi steva pocu buonu e vruciuliavu lu munnu pucchè mangu issu sapeva che tuneva veramentu l’ abbestiu.
A la massaria ngi steva puru nu bellu vicciu cu nu vruccularu chi li punbuliava, quistu era ri anuma bona e si n’ardeva lu coru ri lu ciucciu e lu ivu a cunsulà rucennuli:- Uagliò viri ri t’azà sinò tu fai mala fina!
Ngapu ri rui juorni lu ciucciu nun s’azavu e lu patronu chiamavu n’ata vota lu sanapurcellu e quistu feci abburè ri fa lu rumeriu cu fa azà lu ciucciu. Ma chi ti raci luci! “Lu rumeriu ri lu iscu”!
Po’ rissu a lu patronu:- Ji aggi fattu queru c’aveva fa’, mo nun ngi pozzu cchiù, si si aza si aza sinò s’adda sulu acciri. Quannu fu la nottu lu vicciu curriu a rucorru l’ammasciata a lu ciucciu, priannulu li rissu:- Uagliò viri ri t’arripiglià sinò ti fannu la festa, aggi sundutu malu fumu! A la matina lu patronu ivu a la stalla e truvau lu ciucciu bellu ndinulu, subbutu chiamavu “lu mierucu piatusu” (lu sanapurcella) pu li ringriazià e pu lu pagà. Quistu si faceva strazzà ca nun buleva niendi e lu patronu nzusteva e doppu nu saccu ri teccuti e dammi lu patronu rissu:- Aggi capitu, allora ru sai che bulimmu fa’? O ri na manera o ri n’ata amma fistià, lu viri quiru vicciu, rimani li tagliamu la capu e ngi lu cucimu!

Lu lupu e la vorpa

Tand’anni arretu feci na nevu ca Diu si ni scurdau!
Pu l’amoru ri sta nevu muriunu nu saccu r’abbistiulucci saluaggi. Nu lupu e na vorpa jevano nzurcannu ind’a la nevu pu truvà checche cosa ra mangià. Ma chi ti raci luci!
Cammunannu e cutuliannu ri la fama sti dui s’abbiavunu mieru a lu paesu, andò mai prima s’erano azzicati pu paura ri la gentu. Truvaunu na massaria e abbiauvunu a smircià che si putevano abbushcà. Ngera nu purtonu grossu chi jeva a lu suttanu cu na gattarola andò la vorpa e appriessu a essa lu lupu si fuccaunu indu e là vuristi, agliuttevanu a bacandu, pucchè nun ngi putevano creru a tuttu ru benu ri Diu ca ngera indu a lu suttanu. Si munavunu a rotta ri noci ri cuollu, a strafaccià,a strafucarisi. La vorpa cchiù maliziosa ogni tandu si jeva a musurà ind’a la gattarola, ndramendi, lu lupu nun buleva sapè ragionu, s’abbutavu ca pareva ca tannu shcuppava. A l’andrasatta s’apriu na porta ri miezzu e assivu nu sacramendu ri ommunonu e cu na piroccola ri rarucu ri spinu abbiavu a munà varratu a la ciucata. La vorpa sguittavu foru a la gattarola coma na nguilla e appriessu a essa puru lu lupu ma rumaniu ngagliatu cu quera panza abbutata. Là sundisti ru taccaratu:- Ndututunghiti e ndatatanghiti, ndututunghiti e ndatatanghiti, ndututunghiti e ndatatanghiti. Lu povuru lupu rumanivu nderra cu r’ossa sputazzatu. Quannu s’abbuivivu, tuttu scusciuniatu s’abbiavu a la via ri foru e comu trasivu ind’a lu voscu s’azzicau la vorpa e facennusi creru rissu:” Bellu ri lu fratu, ngi l’ammu vista brutta ! Mamma quanda cignatu ammu ngappatu!”
-Mbè si, rissu lu lupu cu nu filu ri voci, ngi l’ammu vista brutta! Ma tu andò stivi?
-Quiru comu ha lassato a te ha pigliatu a me,mamma quanda mi n’ha datu!
La vorpa pigliavu na rucotta chi s’era futtuta, si la ndursavu ngapu e facivu accreru ca l’eranu assutu ru ciuruvella ra foru.
Lu lupu quasi si n’ ardi lu coru ri la vorpa ca si sprumeva e ruceva ca steva peggiu ri issu.
Roppu nu picca chi cammunavano ind’a la nevu la vorpa rissu a lu lupu:” Oj fra nun mi firu propiu, mi vulissu purtà nu pocu nguollu? “
Lu lupu sciuluffatu com’ era, zuppuchiannu s’imbunnivu la vorpa nguollu e s’abbiavu a la via ri vasci.
La vorpa tutta cundenda ri la malizia sua, apriu na lutania:
“Lu ruttu porta a lu sanu,lu ruttu porta a lu sanu,lu ruttu porta a lu sanu...”
Ndramendi lu lupu cammunava pozza carè la rucotta ra capu a la vorpa, quannu lu lupu capiu lu cundu, la munavu nderra e cu r’urdumu forzu chi tuneva la uangiavu tutta quanda e la rumanivu morta nderra.

Chi è stutu a mangià è stutu puru a fatià

Nu juornu a Terrachiana mutevanu ru granu finu a spuzzarisi ru brazza.
Arruvatu miezzijuornu si prisintau la lianda cu na canesta ngapu.
Questa subbutu muttiu tavula ngoppa a l'andu gia mututu e ghindu a na spasa ng'eranu carchiulellu ri puorcu e pupaini.Ti lu futti lu cauru!
Franciscu e Paschalu si munavunu a rotta ri noci ri cuorru e nun feciunu ngappà quasu nienti a nisciunu. Al'urdumu nduttu ind'a la spasa rumanivunu rui mursilli ri carnu unu bellu ciacciusu e n'atu nu miezzu ussucierru.Si guardavunu tutti quanda e nisciunu si munava.
Franciscu, vurponu,si feci curaggiu, l'aggrancavu lu piezzu buonu e si lu munavu nganna. Paschalu ngi rumanivu malamendu e dissu:-Francì mamma e comu si arraggiatu !
Paschalu:-Pucchè ? Si iri tu qualu ti pigliavi ?
Franciscu:- Quiru malamendu !
Paschalu :- E ij quiri t'aggi rumastu !